Prioriteti i Liverpoolit thuhet se mbetet sigurimi i kontratave të reja për Virgil van Dijk, Mohamed Salah dhe Trent Alexander-Arnold, të cilët të gjithë kanë marrëveshje që skadon në qershor 2025.

Sipas gazetarit Fabrizio Romano, klubi anglez është i fokusuar në finalizimin e këtyre rinovimeve kryesore, me planet dhe buxhetin të përqendruar rreth tyre.

Sa i përket afatit kalimtar të janarit, Liverpooli do të marrë në konsideratë vetëm mundësi të rëndësishme, nëse ka.

Për shkak të kufizimeve buxhetore, nuk mund të priten lëvizje të mëdha nëse nuk vihet në dispozicion lojtari i duhur.

Megjithatë, sa i përket rinovimeve deri tani drejtuesit e Reds janë ende larg marrëveshjeve me secilin nga tre lojtarët.

Situatat e këtyre lojtarëve po i vështrojnë klubet e njohura, me Real Madridin që e do Alexander-Arnoldin, Salah që pëlqehet nga klubet e Arabisë Saudite dhe Van Dijk me shumë klube të interesuara nga Evropa. /Telegrafi/